Printed Matters for Our Wedding

 先來個久違了的婚禮分享環節, 回顧一下我為婚禮設計過的各項印刷品.


{Postcards For Our Invitation Set}
www.overnightprints.com

中式主題,有兩個款式,古典味較重,囍字圖騰加傳統寫法的日期是原創.
估到囍字用什麼方法弄的?
看得出來嗎,是一個大灰色正方形,中間由好多不同大小的長方形留空而成的. 整到我眼鯨鯨!!!

沙灘主題, 也帶點懷舊跳脫的感覺, 好像回到波子水舊廣告海報的年代.

短評:
從Mrs Cocoa Bean的介紹得知這印刷服務,網頁外觀不吸引,得花點心神了解如何運作及規格要求,先要根據他們指定的尺寸或下載他們的原始檔,用Photoshop造好設計(我可是Photoshop + Photoscape雙管齊下完成),上載JPG檔,便可以交易了;他們每個星期都有不同印刷品項目的優惠,要有耐性看到自己想印的項目才出擊!
印刷質素十分不錯,只要照足規格便沒有剪裁上留白邊或斬走部份圖像的問題.


{Bookmark Tags For Our Invitation Set}
www.moo.com
短評:
一開始籌備婚禮就差不多決定了要做好的一項, 圖案是由一網頁抓來的,有不同系列主題,而我抓下了跟我們生活和文化有關的圖 (如海洋/生活小品/中式物品/復古小物),愛死那Old Cottage風味的水彩小畫作,因版權問題,用之有愧,不便如此張揚透露出處. (如想知,請PM)
至於咭仔印刷方面,很久前已幫襯了MOO cards幾次,質素真的很好,在英國印製,直送至香港澳門.價錢又不算太貴,當然比起Overnight Prints是貴了幾個翻,但小量又想每張咭不同設計的話,MOO是必然之選,小書籤一百張,張張都是不同圖案的!
用途? 後面載有我們婚禮相簿的連結,平日又可以當書籤.可惜,還是有收到帖的朋友婚後數月問返我連結,又嘈嘈閉話點解佢唔知,好似我有心唔話佢知咁,但係,一問之下竟然可以話係咩,有書籤咩?見唔到喎?

都話婚禮,還是做給自己享受好.
還是有好多人當出席婚禮是例行公事,即使是識於微時的死黨(想當年).

{Our Announcement Cards}
www.overnightprints.com
短評:
再次採用他們的服務,一樣是十分滿意,有了第一次的經驗,做模版真是快好多.
這是給老公同事的Announcement Cards. 因為人數眾多,所以這名片尺寸的咭片是經濟之選,而且老公愛低調,所以他好喜歡.

* *

9月任食放題。隔岸觀火

在米國的時候, 日日在酒店HAE ~ 看BLOG及和Haily傾計, 等我易D過日辰!

看到SO豬的帖子, 很愛看她的<<豬。。。吃掉了這馬交>>系列, 看到她跟咀去了新濠峰吉良 (KIRA, ALTIRA) 吃任食放題, 雖然價錢都幾金, 但可以隔岸看到旅遊塔那邊的煙花比賽的表演環節. 放題時間由7點到10點後, 中間有9點同10點兩個環節的煙花睇住送飯, 真係一個好好的節目.

澳門的煙花節, 係戈排每個星期六有兩場煙花表演, 由兩個國家出戰比賽. 由於回到澳門後只剩下9月26日同10月1日有煙花表演, 10月1日太近我們婚禮的日子, 應該冇咩心情, 所以我們決定9月26日去! 

於是在米國已經訂好檯! 準備同老公有個難忘的晚上.

又要多謝豬提點~ 我地提早一日仲去左新濠峰搞入會, 取了會員咭, 食野有九折. 老公唔係好好海鮮, 同埋佢睇得唔拆得. 喪食的責任就交比我啦...佢當日的目的只係影煙花~

白雪魚, 一試難忘, 返兜又返兜...

其他有鐵板, 吉列或者天婦羅的雞, 魚, 蝦, 蔬菜...

壽司試左少少, 加州卷又係ENCORE又ENCORE...

開始個口都食都麻木, 因為來來去都係燒同炸~

於是點下生果同雪榚, 清下腸胃... 又係ENCORE又ENCORE...

好在夠鐘係時候出去外面的空地看煙花, 中場休息下;

當日隔離個場有FUNCTION, 係咩青年才俊聯誼酒會, 衣香鬢影

呆企左大約20分鐘, 由得老公影影影, 我把握時間鬆鬆個肚,

等陣入去又食過...

又係咁食食食...

下半場我地叫了半隻龍蝦係咁二試下味.

食下透下, 又到下一輪煙花環節...

到10點半, 我已經好眼訓, 亦無謂再搏鬥...於是埋單, 滿足地走人~

9月香港即日遊

Recap 返9月30日, 我同老公忙裡偷閑, 去了香港一日遊.

之後因果報應, 趕頭趕命為婚禮籌備埋尾.

不過都叫做開心過.

之前天氣不好, 決定當日過香港都係臨時決定. 過到去已經成1點幾, 好感謝伴娘小姐Helen, lunch break冒住比老細丙的危險由九龍塘殊左出來九龍灣食左個Quick lunch.

由Beard Papa的美味Puff揭開序幕...

然後去左Ikea朝聖...就係為左重溫美國時時食的Swedish meatballs, 點知香港係冇Gravy sauce架!!!! 得Tomato sauce~失望!

老公找到新大陸, 終於有達地方有得免.費refill汽水架啦啦啦~

傾到鬧烘烘之時, Helen大人要返去交人. 我地唯有say goodbye.

走的時候, 見到Starbucks都出月餅~勁!!

下午大雨, 唯有找些室內節目 -- 即係shopping.

去了東涌的東薈城 (Citygate outlets). 但係好失望, 同Orlando的outlets, 冇得比. 貴 + 冇款 + 冇碼! 唯一好就我為左戈隻心心形Mo野發癲. 狂影, 狂問老公我似唔似佢...同狂拿走傳單同directory. 只係為左隻Mo野~

冇得坐360去市集, 老公失望中~

今日的重頭節目.

重返Swiss Charlet食Swiss Fondue!!

每次來香港都要食一次~

今次醒左, 唔會叫兩個人份量. Cheese fondue只要了一份的Spinach chicken fondue; Dessert fondue要了兩份. Appetizer是Rachlette (即係melted cheese w/ potatos).

食飽就去左滿足老公的興趣. 每次必要影返個維港夜景至肯鬆人. 今次佢仲的左支三腳架過大海, 只許成功, 影左N耐, 要影到滿意至罷休! 後來真係趕住搭船, 夠鐘至拉佢走~

老公拼貼維港全景~

兩口子拉住疲倦的身驅返澳門啦~

美國婚禮回顧 {All the Details}

來寫寫美國婚禮上的細節~

當日大部份佈置項目都是由老公妹妹負責, 在婚禮前幾個月, 我都有email一些我心目中想做的效果和參考照片給她們.

在美國的頭一星期, 就是顧著到這到那買的吃的, 就是沒有心情搞婚禮事. 到了臨近一星期, 發生了大戰野蠻奶奶事件, 更加心灰意冷, 誰還會有心情理它?

於是當日的佈置, 一是依賴我在澳門努力有功, 已準備的了東東; 二是他妹妹提早買來的材料再加上她當日的臨場發揮.

反正有藍天碧海做最佳背景,  Less is more.  

我們用餐的5號亭.

每支石柱都掛了花飾, 是我前一晚懷著落寞心情趕工的, 大家感到花兒的憂懼嗎?

用了兩款不同的花材, 其中一款是圖中的Calla lily, 另一款是Hydrangea, 梅花間竹的掛著. 我比較喜歡後者.

Centrepiece用了玻璃盤, 放上石頭 (購自Ikea), 加浮水的花朵.

老公特地買了小碗作 Candy dish.

我們的Ring bowl, 是在 etsy.com 訂購的.

只作了一些簡單的佈置, 有一小型Wish tree, 可惜反應不太好, 沒有太多人寫上字句掛上Wish cards, 反正他們都是怪人. 沒有理會!

還有小小的Standing bouquet做裝飾, 我的花球, 和好可愛的餐具.

欣賞老公的心思. 用上了bamboo刀叉和小碟 (網上訂購), 餐紙購自Ikea, 好有郊遊的感覺. 

非常匆忙的在Publix訂的小Wedding Cake. 我又是Minimalist, 一切從簡, 只堅持要用這個糖花裝飾.

當然還有Haily (瓊留欲語)的Mickey擺設, 和我們的Wedding Cake好襯, 當時拆出時受到很多人的注視, 我亦用了它們來做佈置擺設, 成為焦點.