在米國的時候, 日日在酒店HAE ~ 看BLOG及和Haily傾計, 等我易D過日辰!
看到SO豬的帖子, 很愛看她的<<豬。。。吃掉了這馬交>>系列, 看到她跟咀去了新濠峰吉良 (KIRA, ALTIRA) 吃任食放題, 雖然價錢都幾金, 但可以隔岸看到旅遊塔那邊的煙花比賽的表演環節. 放題時間由7點到10點後, 中間有9點同10點兩個環節的煙花睇住送飯, 真係一個好好的節目.
澳門的煙花節, 係戈排每個星期六有兩場煙花表演, 由兩個國家出戰比賽. 由於回到澳門後只剩下9月26日同10月1日有煙花表演, 10月1日太近我們婚禮的日子, 應該冇咩心情, 所以我們決定9月26日去!
於是在米國已經訂好檯! 準備同老公有個難忘的晚上.
又要多謝豬提點~ 我地提早一日仲去左新濠峰搞入會, 取了會員咭, 食野有九折. 老公唔係好好海鮮, 同埋佢睇得唔拆得. 喪食的責任就交比我啦...佢當日的目的只係影煙花~
白雪魚, 一試難忘, 返兜又返兜...
其他有鐵板, 吉列或者天婦羅的雞, 魚, 蝦, 蔬菜...
壽司試左少少, 加州卷又係ENCORE又ENCORE...
開始個口都食都麻木, 因為來來去都係燒同炸~
於是點下生果同雪榚, 清下腸胃... 又係ENCORE又ENCORE...
好在夠鐘係時候出去外面的空地看煙花, 中場休息下;
當日隔離個場有FUNCTION, 係咩青年才俊聯誼酒會, 衣香鬢影
呆企左大約20分鐘, 由得老公影影影, 我把握時間鬆鬆個肚,
等陣入去又食過...
又係咁食食食...
下半場我地叫了半隻龍蝦係咁二試下味.
食下透下, 又到下一輪煙花環節...
到10點半, 我已經好眼訓, 亦無謂再搏鬥...於是埋單, 滿足地走人~
好正呀 @__@
回覆刪除間野0係新濠天地度既? ?__?
[版主回覆11/07/2009 10:01:00]係新濠峰, 都係戈個集團, 前皇冠, 在氹仔橋口戈度好高戈間呢... 佢地間間的餐廳野食都OK架~
好正呀。。。。D野食好正。。。D煙花都影得好靚呀。。。
回覆刪除你會唔會recommend我聖誕返香港過澳門果陣去食呢。。。
[版主回覆11/07/2009 10:06:00]如果有煙花伴住, 成餐飯會加分不少, 但係如果平日就唔會再去啦, 因為日式放題食過就算, 係不停咁叫野食, 但都唔係樣樣好食同飽肚, 又全部都係煎炸野, 如果你地食得刺身會正D...同埋佢地個Packag係388, 淨食 (不過有green tea供應), 如要飯sake同紅白酒就488~~都幾金.
我Recommend你試下同一酒店內的一間意大利餐廳的buffet, 聽閒用料上剩, 或者同一價錢可以用來吃buffet (4 seasons, MGM etc, 都有好多選擇)
陸續會post其他馬交食評同小食花絮, 你再參考下.....馬交好多好野食~ hehe
估唔到macau都有d咁正既野呀~~~
回覆刪除[版主回覆11/07/2009 18:16:00]Macau 開了好多酒店, 入面有不少高質素的食店, 如果是旅遊的話選擇也不少.
oh no! 我岩岩早兩個禮拜先去完Macau, missed咗呢個咁正既勁食機會呀!! 唔制呀>< (煙花相影得超靚wor!)
回覆刪除[版主回覆11/09/2009 16:22:00]係, 我老公對於影呢D野超認真, 次次都企到呆等佢....
唔怕啦下次再來澳門, 再去食過, 或者到時又更正的好野~
其實我次次返香港都差不多會過澳門架。。因為我以前的roommate (現在回流定居)的是澳門人。。加上的另外幾個好朋友都碰巧是澳門人。。。不過平時佢地帶我去的地方都係平民的多。。(因為我通常即日來回呢﹐為了食多D野﹐會一日食好多小餐)。。但見到你呢個咁正。。打算睇下好唔好提議去。。。加上佢係呢間酒店做﹐員工食應該有折啊。。(不過都可能因為咁﹐佢打死都唔肯去。。放假陪朋友﹐點會想返公司?﹗)
回覆刪除