我買淘寶的三大標準：
第一我唔知邊度實體店有賣
第二個款非大路款式
第三外國牌子的原單
..
其實還有第四，價錢冇得輸
下面兩樣我都覺自己買得好，一個係祖國玩具大牌匯樂，一個係美國廉價品牌，後者本身amazon.com已經賣得好平，可惜太大件唔可以帶返來，於是惟有淘寶尋寶。
標示價錢已包括匯率、代購費、運費。大家可以看看相對的性價比。
Bouncer (約HKD400)
因為當初要比阿囡學企，又未知比唔比佢用學行車，於是買這個頂住當。只可以說「價廉物美」，唔得閒睇住便放佢入去，十分安全自己又可以鬆一鬆。
Walker （約HKD400）
學企完要學行，本來買了二手車Chicco，最終都放左，買了這款，本身唔係咩大牌子Cosco，係美國原單，睇中這款好耐，簡簡單單。
暫時所有淘回來的東東都好滿意，其實平唔係話好平，而且花好多時間揀牌子、款式，大型物品我會揀有顧客實物照片同讚文至會下注。質量又好，款式選擇多，反而去到實體店我無從入手，再看價錢我更加認同網購適合我。
